Kynjamismunur - aldrei meiri í knattspyrnu

Ég bý svo vel að mágkona mín spilar með Stjörnunni í Landsbankadeild kvenna. Þetta þýðir það að ég fer oftar á völlinn að horfa á stelpurnar spila en strákana.

Þetta er kannski ekki í frásögur færandi, en þar sem við hjónin erum oftar en ekki bundin heima á leikdögum eins og í kvöld, þá ætlar maður að reiða sig á fjölmiðlana. En bíddu nú við, það bara gerist ekki neitt, hvorki á vefmiðlum né á vef KSÍ.

Mbl.is hreykir sér af umfjölluninni, Landsbankinn hreykir sér af umfjölluninni sem borgað er fyrir en ekkert gerist. Nú kl. 2125 er ekkert komið á upplýsingaborða Landsbankadeildarinnar um úrslit kvöldsins, þó að staðfest úrslit hafi komið kl 2115 á úrslitaþjónustuna.

Á sama tíma er bein lýsing frá öllum leikjum í karladeildinni. Er ekki kominn tími til að leiðrétta þessa vitleysu og mismunun, það vita jú allir að kvennaknattspyrnan er mun framar en karlaknattspyrnan á alþjóðavettvangi.

Ég skora á fjölmiðla, Landsbankann og knattspyrnuforystuna að taka sig á í þessum efnum.

KR vann nauman sigur í Keflavík

Athugasemdir

[Steinn Hafliðason, 13.5.2008 kl. 23:02]

Þarna get ég verið sammála þér. Það er skammarlegt hvað kvennaknattspyrnan er lítið til umfjöllunar á Íslandi miðað við hvaða árangri stelpurnar eru búnar að ná. Ef karlalandsliðið næði álíka árangri myndi allt verða vitlaust.

[sævar már magnúss, 14.5.2008 kl. 15:24]

Sæll Villi minn, stelpu eða stráka bolti eiga að fá jafna umfjöllun,Víst verið er að fjalla um þetta sport á annað borð. Annars er ég kominn heim ef þú vilt kaffi og xxxx.

[Vilhjálmur Óli Valsson, 14.5.2008 kl. 16:05]

Það er gott að maður er ekki einn um að hafa þessa skoðun.

Takk fyrir það Sævar, ég verð hins vegar ekki á ferðinni á norðurlandi fyrr en á föstudegi eftir verslunarmannahelgi, það er nánast öruggt að þú verður ekki heima þá, þ.e. ef allt er eðlilegt