Frábær dagur í gær, Herðubreið heimsótt og flogið um landið!

Gærdagurinn var einn sá besti á þessu sumri, hægar norðlægar áttir og léttskýjað eða heiðskýrt um allt land. Ég sannreyndi þetta alltsaman með einu skemmtilegasta verkflugi sem ég hef farið í síðan ég hóf störf á þessum vettvangi. Við fórum úr höfuðstaðnum að morgni og flugum milli jökla yfir í Herðubreiðalindir þar sem lent var og hittum við þar flokk galvaskra björgunarsveitamanna sem voru að fara að skipta um talstöðvarendurvarpa sem staðsettur er á toppi Herðubreiðar, en okkar aðstoð vantaði við að flytja mannskap og búnað upp á topp.

Björgunarsveitamennirnir 6.

Herðubreið skartaði sínu fegursta! Endurvarpinn í forgrunni.

Þegar svona er flutt með þyrlu þá eru settar stroffur í viðkomandi hlut og hann svo hengdur neðan í þyrluna. Þá þarf einhver að vera á jörðinni og húkka í krókinn.

Og þá hverfur maður í mold- og sandroki.

Eftir þetta var haldið á Egilstaði, þar sem tankað var, þá upp í Héraðsflóa, þaðan til Akureyrar og að lokum yfir hálendið og til Reykjavíkur þar sem frábærum degi lauk með safaríkri grillsteik sem beið mín heima.

Þetta er leiðin til að eyða fallegum sumardegi.

Athugasemdir

[JEG, 20.7.2008 kl. 14:26]

Gaman að þessu.

Já svo að þin kona grillar .....eða ert þú MEISTARINN? hahahahahaha...... Nei  bara fór að hugsa út frá bloggfærslunni á hinu blogginu mínu.

Knús á ykkur úr sveitinni.

[Kristjan Gudmundsson (IP-tala skráð) 20.7.2008 kl. 23:42]

Kvitt.

[Einar Örn Einarsson, 24.7.2008 kl. 00:08]

Frábært að fá svona daga félagi.

Kveðja á þig

[sævar már magnúss, 25.7.2008 kl. 21:47]

fær hún þá bjór,,, hann er fyrir grillara.

[Vilhjálmur Óli Valsson, 27.7.2008 kl. 15:27]

Jóna, já það kemur fyrir að hún fær að grilla. En það er eingöngu þegar ég er að heiman. Þetta er skiptingin, hún gerir salat og sósu en ég sé um grillið. Held að það sé svipað á flestum heimilum.

2. Stjáni vertu velkominn, gaman að vita af þér.

3. Blessaður Einar, eins og þú veist að þá eru það þessir dagar sem gefa þessu gildi.

4. Sævar, Sævar, Sævar. Þó betri helmingnum sé leyft að henda mat á eldinn þá eru sumir hlutir heilagir. NEI hún fékk ekki bjór, enda eru ekki sömu kjör fyrir fastráðna og lausráðna!