Prófin búin!

Var að ljúka seinna prófinu áðan. Gekk sæmilega en þetta var í Íslensku 503. Frekar leiðinlegur áfangi, bókmenntasagan frá 1900 til okkar tíma. Mér leiðist að lesa ljóð - ef þið hafið ekki vitað það fyrir. Ekki nóg með það heldur leiðist mér líka að lesa ritverk Nóbelsskáldsins þannig að þetta var extra þungur áfangi fyrir það.

Þurfti að lesa Sjálfstætt fólk og svo er bókmenntasaga síðastliðinnar aldar eitruð af Laxness. Það kemst voðalega lítið að annað en hann. Samt var ekki spurt á prófinu mikið úr hans verkum, það voru bara 2 spurningar.

En það er gott að þetta er búið, nú þarf ég ekki fleiri íslensku áfanga, á bara NÁT 113 og EÐL 103 til að klára blessaðan stúdentinn. Stefni á að gefa mér tíma í þessi 2 fög á næstu önn.

By ðe vei, ég fékk 8 út úr NÁT 123. Það er bara helv. gott miðað við þá litlu vinnu sem lagt var í.

Ekki launar kálfurinn ofeldið!

Það er einmitt það. Þetta er að vísu búið að vera í pípunum frá áramótum, þ.e. að Flamini væri að leita að launahækkun. En það er betra að menn fari ef þeir eru ekki á réttum forsendum. Ef aurarnir eru það eina í huga hans þá kveð ég hann með bros á vör. Wenger á eftir að finna annann sem fyllir þetta skarð sem Flamini skilur eftir sig.

Ég vísa bara á það sem ég skrifaði í síðustu færslu og segi að eintök eins og Giggs og Adams "MR. ARSENAL" finnast ekki hjá þessari kynslóð sem tekin er við.

Flamini sagður vera búinn að semja við AC Milan

Stórkostlegur ferill!

Maður getur ekki annað en tekið hatt sinn ofan fyrir svona snilling eins og Giggs. Ekki bara það að hann sé búinn að vera að spila í þessum gæðaflokki allann tímann heldur hefur hann einnig sýnt fádæma hollustu við sitt félag sem gerir hann enn merkari í mínum augum.

Þessi hollusta er bara ekki þekkt í dag, menn eru frekar að elta örlítið meiri laun hinum megin við lækinn.

Þetta er bara frábært og til eftirbreytni.

Giggs getur slegið leikjametið hjá Man Utd

En ekki hvað?

Andskotinn hafi það ef mennirnir leggja sig ekki fram, þetta er vinnan þeirra. Og þessi vinna er ekki gefins. Ég trúi ekki að nokkur maður telji að þessir karlar gefi ekki allt í leikinn, alltaf.

Scott Parker: Munum leggja okkur fram gegn United

Þarna er ekki sparað!

Í svona rugl má henda milljónum og allir fagna. Hvað er að?

Þvílík vitleysa.

Endurgerð fyrsta forsetabílsins lokið

Á þá að loka í sumar?

Ég spyr. Eða á bara að fækka í útibúunum þegar fólk fer í sumarfrí. Þetta eru sorglegar niðurstöður þar sem forstjórar, stjórnarmenn og bankastjórar sitja á sínum ofurlaunum og fárast yfir niðurstöðum ársfjórðungsuppgjöranna þar sem hagnaðurinn er ekki nema 15 milljarðar.

Ætli maður þurfi að fara í viðskiptafræði til að læra þessa vitleysu?

Ráða ekki sumarfólk

Próf á morgun!

Jæja það er komið að því. Fyrra prófið sem ég tek á þessari önn er á morgun.

Það er eðlisfræðin sem rúlla á upp núna. Það er búið að ganga vel hjá mér í þeim verkefnum sem lögð hafa verið fyrir okkur í fjarnámi FÁ þessa önnina og verður spennandi að sjá hvort jafnvel gangi þegar bækurnar eru ekki við hendina.

Sendið góða strauma til mín í tilefni þessa.

En er hann stoltur af sér?

Þegar við feðgarnir settumst fyrir framan imbann í gærkvöldi þá varð maður svolítið hissa yfir liðsuppstillingunni. Pennant búinn að vera góður undanfarið en Benayoun settur inn fyrir hann. Alonso sem er ekki búinn að vera á miklu flugi var í liðinu. Ég held að það hefði verið skynsamlegra að hafa Babel og Pennant á köntunum og Gerrard og Mascerano á miðjunni.

Skiptingarnar voru svo skrítnar, sérstaklega Torres-Babel.

Liverpool tapaði á ákvörðun stjórans í þetta skipti og engu öðru.

Benítez: Stoltur af mínu liði

Hverjir krefjast hvers?

1. maí. Það koma upp í hugann minningar af litlausum ræðum verkalýðsforkólfa, allavega síðan Guðmundur Jaki var og hét, og grátklökknum pólitíkusum sem boða fagnaðarerindið að ef skríllinn sem kallast verkalýður, fer fram á einhverjar kjarabætur og að ég tali ekki um að það verði eitthvað látið eftir þeim, þá fari ríkið, sveitarfélögin, fyrirtæki og samfélagið í heild sinni á höfuðið.

Þetta er saga 1. maí í heild sinni.

Það breytist ekki neitt þetta árið. Í grein í Fréttablaðinu í morgun skrifar utanríkisráðherra, Ingibjörg Sólrún Gísladóttir, einmitt um að nú þurfi nýja þjóðarsátt, með þáttöku allra undir forystu alþýðunnar. Einmitt, undir forystu alþýðunnar. Það er nefninlega lýðurinn sem á að taka af skarið og hossa undir rassinn á gagns- og ábyrgðarlausum pólitíkusum sem setja í "forgang að ná jafnvægi í efnahagsmálum".

Á þessum sama tíma gera stjórnvöld og fjármagnseigendur ekkert. Stjórnvöld halda í hendina á og passa fjármagnseigandann með þessari fáránlegu verðtryggingu sem þekkist hvergi í hinum siðmenntaða heimi og er ekkert nema trygging fyrir lánveitendur. Davíð kóngur í virkinu við höfnina hækkar stýrivexti á tveggja vikna fresti af því að almenningur kann ekki að fara með peninga og á hann ekki annarra kosta völ en að gera þetta til að kenna fólki að hætta að eyða peningunum sínum. Í öllum öðrum löndum á vesturhveli jarðar er verðtrygging ekki valkostur og stýrivextir eru  LÆKKAÐIR til að sporna við þenslunni og vandræðum á fjármálamörkuðum.

Nei, ég er svo einfaldur að ég skil ekki svona, ég verð líklega að fara í háskóla og ganga svo í einhvern stjórnmálaflokk og frelsast til að skilja þessa vitleysu. Því það er alveg sama hvað IBS og hinir pólitíkusarnir reyna að firra sig ábyrgð, það bara gengur ekki að svara svona endalaust. Hvers vegna hefur ekki komið til afnáms eftirlaunalaganna, hvers vegna erum við að eyða milljörðum í utanríkisþjónustu sem á ekki rétt á sér nema kannski í helmingi tilfella.

Þessir hlutir eru í lagi, berjum bara lýðinn niður, það reddar öllu.

Fjármálastofnanir skila tugmilljarða hagnaði á ári en það er tap á innlendri starfsemi, þetta er allt hagnaður að utan. RIGHT.

Verkalýðsforkólfarnir semja um launalækkanir sbr. samninga VR í síðasta mánuði.

Við erum að skila okkar, það er komið að stjórnvöldum og fjármagnseigendum.

Til hamingju með daginn

Kröfuganga frá Hlemmi

Hollvina hvað?

Hvað er að frétta?

Hefur fólk virkilega ekki annað við tíma sinn að gera? Og hvað svo, eiga yfirvöld að fara að ausa einhverjum pening í þessa vitleysu eða ætla þessi samtök að starfa á þeim grundvelli að það sé hægt að plata einhvern úr þotuliðinu til að faðma verkefnið.

Nei vonandi sér fólk að sér og fer að skipta sér af hlutum og ástandi sem er einhvers virði!

Hollvinasamtök Hallargarðsins stofnuð