Frábært

Skallagrími er þá ekki alls varnað. Ég er voðalega hræddur um að VG hefði fengið það allsvakalega í bakið hefði verið tekin ákvörðun um að banna hvalveiðar. Því væri kannski öðruvísi farið ef árferðið væri betra og ekki væru svona mörg störf undir.

Svo þykir mér fyndið að hann hafi þurft að segja það sem augljóst er að hægt sé að breyta reglugerðum og banna hvalveiðar hvenær sem er.

Menn ættu hins vegar að gæta að því að þegar stunda á sjálfbærar veiðar þá má ekki skilja eina tegund í vistkerfinu eftir, það raskar öllu jafnvægi í náttúrunni. Ég tel (common sense) að ástæðan fyrir stöðu fiskistofnanna sé annars vegar hvalafriðun og hins vegar gengdarlausri loðnu og kolmunnaveiði hins vegar að kenna. Hvalurinn étur fiskinn, stóran sem smáan og við erum búin að veiða allt sem hvalurinn skilur eftir af uppsjávarfiski sem er fæða bolfisksins.

Ákvörðun um hvalveiðar stendur

Ætlar þessi sokkur aldrei að læra?

Er von að maður spyrji? VR logar í illdeilum vegna skorts á siðferði formannsins og þegar til stendur að kjósa lýðræðislega um framtíð mannsins hjá félaginu þá er grafinn upp einhver formgalli og svo á að kæra og gera allt sem í hans valdi stendur til að koma í veg fyrir uppgjörið!

Gleymum því ekki að hann hefur sitjandi stjórn og trúnaðarmannaráð í vasa sínum og þarmeð allt fjármagn félagsins!!

Ég vona að hann skítfalli í þessum kosningum til að sína honum og hans líkum að þessi hroki og framkoma er ekki lengur liðin á Íslandi.

Trúnaðarmannaráð VR kallað til fundar

Fyndin fyrirsögn!

Ég get ekki að því gert, mér finnst þetta frekar fyndið.

Systur í júrovisinon anda!!!!  Er það virkilegt? Væru þær systur í júróvision ekki frekar líflausar ef þær önduðu ekki??

 

Systur í (Evróvisjón) anda

Tungumálanámskeið fyrir forseta og ráðherra?

Er það ekki tilvalið að senda forsetann á þýskunámskeið og Árna Matthiesen á enskunámskeið?

Þá verður kannski ekki "slitið úr samhengi" allt sem þeir segja.

Nú eða þá bara að banna þessum mönnum að tala við fjölmiðla, þeir gera minni skaða á meðan.

Viðtalið tekið úr samhengi

Hér vakna spurningar!

Af hverju á íslenskur banki að vera að lána fyrirtæki sem hefur enga starfsemi og engar eignir á Íslandi?

Hefðu ekki eigendur Baugs group ekki átt að reyna endurfjármögnun í því landi sem þeir eru staðsettir í?

Eru þetta ekki bara beinar tilvísanir í að stóru viðskiptamennirnir gátu gengið takmarkalaust í lánsfé hjá íslensku bönkunum vegna tengsla við æðstu stjórnendur bankanna og að nú er sagt stopp vegna þess að búið er að moka út úr bönkunum?

Er von að maður spyrji.

Landsbankinn gengur að veðum Baugs

Frábært

Þetta eru seðlabankastjórarnir þrir. Þá er eftir að telja kostnaðinn við aðra sem verið er að reka úr störfum opinberra stofnana eins og forstjóra FME, f´rafarandi ráðherra, alla aðstoðarmenn fráfarandi ráðherra (15 millur) og fráfarandi ráðuneytisstjóra. Þetta fólk fær biðlaun, sem eðlilegt er (nema ráðherrar), í mismarga mánuði eftir starfsaldri. Mér þykir eðlilegur uppsagnarfrestur til handa fólki sem ráðið er í vinnu sanngjarn. Ekki vildi ég standa uppi brottrækur úr mínu starfi með engin laun frá brottrekstrardegi.

Hins vegar þykir mér mjög óeðlilegt að fólk sem kosið er tímabundið til einhverra starfa eins og þingmenn og ráðherrar þiggi biðlaun eftir að þeirra ráðningarsamningur er útrunninn. Það er nefninlega svoleiðis að þegar fólk er kosið á þing þá er það einfaldur tímabundinn ráðningasamningur sem rennur úr gildi án sérstakrar uppsagnar þegar kosið er að nýju.

Á sama tíma og heilög Jóhanna segist leiða ríkisstjórn fólksins sem ætlar að standa vörð um grunn velferðarkerfisins, þá eru nýjir ráðherrar að skipta út ráðuneytisstjórum og aðstoðarmönnum fyrir 82 daga vinnu. Ætli það taki ekki nýja fólkið 80 daga bara að koma sér almennilega inn í þau mál sem verið er að vinna í. Hvers vegna skipti t.d. Össur út aðstoðarmanni Ingibjargar Sólrúnar í utanríkisráðuneytinu og réði Kristján Guy Burgess? Var fyrri aðstoðarmaðurinn ekki starfi sínu vaxinn eða hvað er málið eiginlega? Fyrir 82 helvítis daga!!!

Á sama tíma berast fréttir af Ríkisstofnunum eins og Lögreglu Höfuðborgarsvæðisins og Landhelgisgæslu Íslands sem þurfa að skera niður sín útgjöld um allt að fimmtung!! Lögreglan hefur ekki ráðið inn menn eins og til stóð og búið er að boða uppsagnir 30 manns eða 20% starfsfólks LHG. Samt er hægt að réttlæta "loftrýmisgæslu" erlendra flugherja þó ekki sé hægt að halda uppi grunnlöggæslu á heimaslóðum.

Mér þykir þetta ekki góð forgangsröðun hjá stjórnvöldum og vona að SAINT JÓA sjá sóma sinn í að tryggja löggæslustofnunum okkar nægt rekstrafé til að tryggja öryggi okkar svo að við getum a.m.k. lifað og búið hér nógu lengi til að vera hluti af velferðarríkinu Íslandi.

Meðan embættismenn fá tugi milljóna vegna 82 daga og grunnstofnanir okkar fá ekki rekstrafé þá get ég ekki stutt stjórnvöld.

Biðlaunin áætluð 44 milljónir

Við köllum eftir samstöðu þjóðarinnar......

.....var sagt af þessu sama fólki fyrir þremur mánuðum.

Nú þegar búið er að sparka þeim úr stólunum sýna hinir fyrrverandi ráðherrar mikla ábyrgð og þiggja "það sem að þeim er rétt". Af því að 1. feb er á sunnudegi og þetta lið  þurfti að mæta á Bessastaði í myndatöku þá þarf að borga þeim laun út febrúar og svo biðlaun í 6 mánuði.

Það er ekki eins og þetta fólk sé að missa lífsviðurværið, öll eru þau ennþá þingmenn og halda þeim launum.

Nú eiga fyrrverandi ráðherrar að sýna ábyrgð og afsala sér þessum 7 mánaða ráðherralaunum. Ekki gleyma að í þessum hóp eru líka m.a. Ingibjörg Sólrún Gísladóttir og Þórunn Sveinbjarnardóttir sem sátu fyrir Samfylkinguna.

Ég hvet þetta fólk til að fara að fordæmi Björgvins G. Sigurðssonar og afsala sér þessum launum.

Verða á launum út febrúarmánuð

Gefum okkur tíma, það liggur ekkert á !!!???!!!

Það er ekki eins og Ísland sé komið á hausinn, allir atvinnulausir  og enginn við stjórn.

Hvað er að þessu liði, það eru komnir 120 dagar og ennþá veit þetta fólk ekkert hvað á að gera og hvernig á að gera það. Nei ekki alveg, það eru allir sammála um hvað þarf að gera en enginn virðist vera búinn að spá í hvernig á að gera hlutina. Mér finnst þetta skrýtið, VG og Framsókn þurfa meiri tíma til að kynna sér málin og Samfylkingin virðist vera í sömu stöðu þrátt fyrir að hafa verið í fráfarandi ríkisstjórn. Það er nú ekki eins og það sé verið að gera 10 ára áætlun, það á að kjósa eftir 3 mánuði svo þetta fólk ætti að fara að drullast til að gera eitthvað.

Nú er þessi gjörningur búinn að taka viku og ekki útséð með niðurstöðuna. Það er nefninlega líka þannig að á meðan forystusauðirnir koma sér ekki saman er enginn að stjórna á Íslandi, engir þingfundir eru haldnir, ráðherrar Samfylkingarinnar eru annaðhvort í viðræðum við VG, í veikindaleyfi eða að reyna að ná sér í fylgi innan flokksins til að halda stólnum sínum. Ráðherrar Sjallana eru hættir störfum og þingmenn úr öllum flokkum eru í innanflokks valdabaráttu.

Ég held að þessi barátta um 3 mánuði sé að kosta okkur allt of mikið.

Hunskist til að klára málin.

Telur forsendur fyrir stjórn

Allt vegna gengis - eða hvað

Ég var að fletta upp á vef Landsbankans að á sl. 9 mánuðum er gengið búið að falla um 30,9% þannig að lágvöruverðsverslanirnar eru að taka ívið meira til sín en gengisbreytingu.

Svo má benda á hækkanir á mjólkurafurðum sem eru inni í þessu. Ég man ekki betur en afurðaverð til bænda hafi hækkað um 11% í fyrra þannig að ekki skýrir það 30-35% hækkanir.

Við endum alltaf á sama stað, það er verið að borga fyrir bullið í útrásinni og misvitrar fjárfestingar búðareigenda.

Bónus hækkar mest en Krónan minnst

Skrýtnar reikniformúlur

Ég segi þetta vegna þess að í gær kom pistill frá Ástu Möller alþingismanni, þar sem hún sagði að verðbólga væri á mánaðarbasis 7,2% sem er tala sem hvorki ég né nokkur sem ég þekki skilur neitt í. Ég held að háttvirtur þingmaður ætti að útskýra sig aðeins betur.

Ég fæ þetta ekki til að ganga upp. Neysluvísitala hækkaði um 1,43% í janúar sem jafngildir 18,6% ársverðbólgu. Þetta þykir mér undarlegt, krónan er búin að styrkjast um 10,36% frá áramótum, olíuverð hefur ekki verið lægra í a.m.k. 5 ár og neysla almennings er í lágmarki.

Samt sem áður mælist verðbólgan 18,6%, allar vörur eru enn að hækka, bensín og dísel eru t.d. búin að hækka um 3 og 2 krónur á árinu, bleyjur í Bónus eru búnar að hækka um u.þ.b. 550 kr á síðustu 3 mánuðum og allar matarkörkur eru enn að hækka um 5-15% og gera það í hverjum mánuði.

Hvernig sendur á þessu. Samkvæmt styrkingu krónunnar ætti verðbólga ekki að vera hækka í janúar heldur standa í stað eða frekar lækka. Er málið ekki bara það að fjármálasnillingarnir sem eru búnir að renna á rassinn með þjóðina eru að láta okkur almenning borga upp tapið sitt?

Er von að maður spyrji?

 

Verðbólga minni en spár sýndu